Un mozo de 27 anos de idade saíu ileso a pesar de estrelarse dúas veces co seu coche en pleno centro de Monforte. O condutor, cuxo nome se corresponde coas iniciais J.L.A.F, fuxiu dun control de alcoholemia na estrada do polígono industrial e foi interceptado máis tarde pola Garda Civil de Tráfico, que saíu detrás súa.
Todo ocorreu ao redor das 7.00 horas do domingo. Despois do incidente e unha vez os axentes alcanzaron ao implicado procederon a medir o nivel de alcol que levaba. Este duplicaba a taxa máxima permitida.
J.L.A.F. viaxaba só nun turismo do modelo BMW 318. Antes de ser sometido ao control na estrada do polígono optou por darse á fuga do mesmo e emprendeu ao camiño cara ao centro urbano monfortino, onde intentou despistar á Garda Civil.
DOUS IMPACTOS. O condutor chocou primeiro contra un valo do campo de fútbol Luís Bodegas. A pesar deste primeiro impacto, J.L.A.F. continuou coa súa fuxida, que finalizou uns metros máis adiante, en A Compañía.
O mozo deuse contra o edificio que fai esquina coa Rúa Dalmiro da Válgoma, provocando importantes danos á parte dianteira do vehículo e abrindo un buraco de grandes dimensións na fachada do inmoble. Afortunadamente, el non resultou ferido. A pesar do perigo do accidente saíu completamente ileso do mesmo.
Foi logo de sufrir a segunda colisión cando a Garda Civil logrou frear a fuga do afectado, pois non puido retomar a marcha. Unha vez interceptado, os axentes procederon a realizarlle o pertinente control e este determinou que o mozo consumira unha gran cantidade de alcol antes de porse ao volante.
Non se especificou o porqué, pero entón o condutor implicado perdeu o control do seu vehículo cando viraba cara a Dalmiro da Válgoma procedente da Rúa Reboredo. No interior do coche ían un home e unha muller que resultaron feridos leves.
