O alcalde de Monforte, José Tomei Roca, asinou en Santiago a adhesión do Concello ao programa de rexeneración e renovación urbana do centro histórico ao amparo do Plan Estatal de Vivenda 2018-2021, firma que levou a cabo coa ministra de Transportes, Mobilidade e Axenda Urbana, Raquel Sánchez.
Suporá que se habiliten 636.898 euros en achegas á restauración de edificios e vivendas, pero tamén para a reurbanización de espazos público.
En total, o Ministerio de Transportes, Mobilidade e Axenda Urbana destinará 405.522 euros; a Consellería de Medio Ambiente, 104.785; e o Concello de Monforte, 126.590, o 19,87% do total.
José Tomei animou aos veciños a solicitar estas importantes axudas co obxectivo de que acometan a rehabilitación das súas casas. á mellora das que se atopen situadas no área de rehabilitación integral (Ari) prevese unha axuda de ata 24.000 euros por vivenda e as obras poderanse executar ata o ano 2025.
A idea é evitar o colapso da zona vella monfortina, que desde hai anos sofre unha alarmante perda de veciños, sendo especialmente grave en dúas rúas das máis antigas da cidade, como son Abeledos e Ramberde, onde a maioría das casas atópanse deshabitadas e teñen colgado un cartel de "véndese".
En concreto, segundo un estudo realizado polos redactores do plan especial de protección do conxunto histórico da cidade, nestas dúas vías houbo unha diminución de veciños do 35 por cento en tan só uns quince anos, a máis elevada dos espazos analizados.
O centro histórico de Monforte conta cun total de 1.704 casas dentro do seu ámbito de protección. Delas, 700 son unifamiliares e o milleiro restante ten dous ou máis vivendas.
Todas comparten dous problemas. Un é o seu mal estado de conservación e, outro, que están desocupadas, polo que se teme que a súa deterioración vaia en aumento ao non recibir ningún tipo de atención nin coidado por parte dos seus propietarios.
