Monforte acollerá a preestrea de Live is life, a nova película de Dani de la Torre. A pesar de que a chegada aos cines aprazouse ata 2022, a cinta chegará á localidade monfortina o 19 de novembro, segundo confirmou o propio director en declaracións a Onda Cero.
A preestrea da película en Monforte forma parte dun acordo entre a produtora e a Deputación, que forma parte das entidades que financiaron a película.
A película, que está rodada na Ribeira Sacra, supuxo un cambio de dirección para Dani da Torre, máis habituado aos thriller. Live is life é unha película de aventuras de tinguiduras nostálxicas, xa que a acción transcorre nun pobo galego de mediados dos anos 80.