O alcalde monfortino, o socialista José Tomé Roca, emitiu un decreto no que prohibe de forma indefinida o mercadillo dominical que se celebraba no parque de Os Condes desde facía unha década. Indicou que a decisión a tomou atendendo a un informe dos servizos xurídicos municipais, que detectaron varias irregularidades, como a inexistencia dunha regulación municipal tanto para a ocupación do dominio público como para o exercicio da venda ambulante.
Comerciantes da cidade e vendedores ocasionais que están dados de alta na Seguridade Social e tributan por iso levaban anos queixándose de que se permitise este mercadillo, no que numerosos particulares, sen dispor dos permisos xerais necesarios, acudían a vender todo tipo de produtos, tanto alimentarios das súas hortas, como aveños de segunda man e incluso novos, pero tamén complementos de moda de dubidosa procedencia.
José Tomé engadiu que existe un espazo específico para a venda ambulante, o mercado gandeiro das Lamas, onde todos os días 6 e 24 de cada mes, celébranse feiras. Recordou que neste punto todos os que acoden coas súas mercancías están rexistrados e pagan as taxas correspondentes.
