jueves. 26.11.2020 |
El tiempo
jueves. 26.11.2020
El tiempo

A mellor vacina volve ser o civismo

Dúas máscaras tendidas da rama dunha árbore. BONITISMO
Dúas máscaras tendidas da rama dunha árbore. BONITISMO
O grupo Bonitismo, creado en Chantada para limpar de lixo os camiños, denuncia a gran presenza de máscaras usadas no chan

Os vertedoiros incrontrolados son unha das grandes secuelas do medio rural en Galicia. Aos desperdicios habituais uníronselles este ano as máscaras, pois hai quen considera que os camiños ou montes son un bo lugar para arroxalas logo do seu uso. O grupo Bonitismo, creado por Alelí Taboada e Lupe Sánchez Vigo hai catro anos en Chantada, empeza a velas de forma moi frecuente nas súas rutas contra o lixo.

En días pasados, os integrantes deste conxunto de voluntarios volveron reunirse para percorrer os arredores do municipio e retirar todos os residuos que visen ao seu paso. A pandemia limitou a súa actividade a cinco ou seis persoas, lonxe da vintena que hai un ano participou nunha xornada que serviu para recoller cen quilos de residuos.

Cruz Fernández é unha das mulleres que forman parte do grupo. Nas súas rutas, tanto polas parroquias como polo centro urbano de Chantada, fíxose usual atopar dous ou tres máscaras consumíndose no chan tras ser empregadas. A maioría son cirúrxicas, pero hai ata do tipo FFP2.

"Cando as ves daste conta de que non son máscaras que se lle caeran a alguén, porque están engurradas ou rotas. Notar que foron empregadas hai pouco", indica Cruz. Aínda que o problema, como é lóxico, non está só en Chantada. ela mesma atopou hai unhas semanas máscaras tiradas por carreiros da serra do Xurés.

Latexes de refrescos, roupa vella ou cordas son outros dos residuos que Bonitismo ten que retirar cada vez que inicia unha das súas rutas

Unha das estampas máis curiosas vese cando aparecen colgadas de ramas de árbores, coma se fosen roupa tendida. E é só unha das moitas e tristes imaxes que protagonizan ultimamente estes obxectos sanitarios que serven para combater a pandemia e que algúns deciden xubilar no medio da natureza.

De todo tipo. Desde que comezou a súa actividade, Bonitismo atopouse derperdicios en grao sumo variado polos chans de Chantada. A lixo intruso máis habitual son os plásticos agrícolas, que aparecen incluso enterrados, o que dificulta a súa retirada.

Tamén é frecuente atoparse electrodomésticos ou mobles. En ocasións ata é necesario meterse nos ríos para recoller desperdicios que permanecen na auga descompóndose.

Latas de refrescos, roupa vella ou cordas son outros dos residuos que Bonitismo ten que retirar cada vez que inicia unha das súas rutas. Estas adoitan desenvolverse o último domingo de cada mes, previa reunión nalgún punto céntrico de Chantada.

O traballo do grupo complétase con tarefas de concienciación. A gran meta é convencer á sociedade da importancia da reciclaxe ou o respecto pola natureza.

A mellor vacina volve ser o civismo
comentarios