sábado. 24.08.2019 |
El tiempo
sábado. 24.08.2019
El tiempo

Un matrimonio de conveniencia

Un operario esparce restos de lousa nunha viña situada en Quiroga. CARLOS XULLO GONZÁLEZ
Un operario esparce restos de lousa nunha viña situada en Quiroga. CARLOS XULLO GONZÁLEZ

En Quiroga comezou un estudo para coñecer os beneficios que un substrato de lousa pode achegarlle aos viñedos

A idea de colocar lousa nos viñedos comezou a roldar pola cabeza do viticultor quirogués José Manuel García Mondelo hai uns dez anos, cando estaba a conversar cuns amigos. "Empecei a maduralo, a investigar e a ler cousas de distintos lugares", explica. Agora comezaron a plasmar a idea colocando unha capa de aproximadamente 15 centímetros a pé de cepa nunha das súas viñas.

Se se animou a levar a cabo esta iniciativa é, explica, porque agora ten o apoio da Unidade de Agroforestal da Universidade de Santiago de Compostela, que levará a cabo os estudos, e dunha empresa local de construción que se sumou de xeito desinteresado.

Un dos obxectivos que perseguen é evitar ter que traballar a pé de cepa ao conseguir que non creza herba. Con esta proba, que se está levando a cabo nunha viña que ten instalado un sistema de rega, tamén queren pescudar que cantidade de auga podería aforrar. Para iso pretenden saber canta humidade hai onde están a colocar a lousa e canta no resto do viñedo. Están convencidos de que a lousa funcionará como illante térmico e que evitará unha evaporación excesiva.

Outro dos aspectos sobre o que este experimento ten o foco posto é a maduración. Pensan que vai afectar positivamente e calculan que o grao da uva poida subir entre medio grao e un, aínda que nisto último inflúen outros factores, como o clima. Un punto sobre o que xorden máis dúbidas é o aroma que a lousa poida achegar aos viños. O certo é que os caldos con sabores minerais son moi valorados no mercado, polo que sería algo moi positivo ao dotar ao produto dun importante valor engadido.

García Mondelo engade que en moitas denominacións hai zonas con terreos de chan pizarroso e que a produción que obteñen vai destinada a viño de barrica, "viños caros", destaca.

Un matrimonio de conveniencia
Comentarios