jueves. 02.04.2020 |
El tiempo
jueves. 02.04.2020
El tiempo

Tres louseiras dan ás súas 160 empregados vacacións ata o día 13 de abril

Traballo nunha louseira de Quiroga. AEP
Traballo nunha louseira de Quiroga. AEP
A medida foi acollida con gran satisfacción polo responsable comarcal de Comisións Obreiras (CC.OO.), Mario Docasar

Tres das catro empresas que se dedican á explotación e tratamento de lousa na comarca de Quiroga decidiron darlle vacacións aos seus empregados. A medida adoptada ten que ver coa crise sanitaria existente e, á vez, un modo de non ter que promover un expediente de regulación temporal de emprego (Erte). Así, 160 traballadores deixan de traballar ata o día 13 do próximo mes de abril.

A medida foi acollida con gran satisfacción polo responsable comarcal de Comisións Obreiras (CC.OO.), Mario Docasar.

Este explicou que a firma Piquisa, con 30 empregados; Vilarbacú; con outros tantos; e Ultransa A Campa, cun centenar, decidiron adoptar esta medida “para protexer a saúde dos seus empregados en momentos tan críticos como os que vivimos, pero tamén como fórmula para non ter que botar man dun Erte. A verdade, é de agradecer”, destacou Docasar.

Pola contra, o sindicalista tivo duras palabras cara á cuarta empresa que funciona na comarca quiroguesa. Denomínase Pizpo (antiga Ferlosa), que, segundo Mario Docasar, “obriga á trintena de empregados dos que dispón a traballar sen que dispoñan das mínimas medidas de seguridade contra o Covid-19, ademais de  atoparse amontoados nas naves”.

A maiores, a xerencia de Magnesitas de Rubián instalou inodoros portátiles en cada sección da factoría para intentar minimizar os riscos de contaxio

Docasar non dubidou en cualificar a Pizpo de empresa “pirata” no sector mineiro. “é a única que manteñen a súa actividade. Se vale de exemplo, en Valdeorras, onde se concentra a maior actividade mineira do sector da lousa, pecharon todos sen penalizar aos seus traballadores”.

MAGNESITAS. No outro extremo de Pizpo, destacou Docasar, atópase a empresa mineira Magnesitas de Rubián, situada no municipio do Incio.

Os seus traballadores acoden por quendas a cada sección, o número xusto para manter unha actividade mínima. Todos eles, indicou o portavoz de CC.OO,, dispoñen dun kit formado por luvas, máscaras, lentes de protección e xel hidroalcohólico”.

A maiores, a xerencia de Magnesitas de Rubián instalou inodoros portátiles en cada sección da factoría para intentar minimizar os riscos de contaxio, ademais de pechar o comedor común para ese efecto

Tres louseiras dan ás súas 160 empregados vacacións ata o día 13 de...
Comentarios