O instituto Lama das Quendas de Chantada colocou na entrada ao centro un gran mosaico formado por 3.960 pequenas fotos dos seus alumnos en 50 anos; entre 1970, cando se inaugurou, e 2020. As imaxes dos estudantes, xuntas, compoñen unha instantánea da carballeira situada tras o edificio.
O Lama das Quendas estaba inmerso en plena celebración das súas cinco décadas de traxectoria cando xurdiu a pandemia, que obrigou a pospoñer as actividades previstas pola dirección.