Javi Villa pulveriza a marca da Subida a Chantada

Logo dun trepidante fin de semana, a Subida a Chantada chegou ao seu final na mañá deste domingo. Javi Villa, co seu BRC BR53, logrou nesta edición a vitoria no mítico trazado montañeiro de Galicia; e ademais de vencer, Villa bateu a marca da rampla da localidade chantadina parando o reloxo nun tempo de 1.44.356 minutos. 

Ata o momento, a marca nesta proba de ascensión estaba establecida en 1.44.610, concretamente na participación do ano 2017 do piloto donostiarra Andrés Vilariño. 

Ademais de ser o máis rápido, Villa liderou a Categoría II cun tempo compensado de 3.29.377, correspondente á suma da primeira e da terceira subida. Acompañárono no podio o novo piloto catalán Raül Ferré, que se situou nun tempo de 3.30.584 co seu Silver Car CS, e o estradense Adrián Rozados, que marchou terceiro no seu Silver Car EF10 cun tempo de 3.42.268, a máis de 12 segundos da cabeza.

Le a información completa, na edición impresa deste luns de El Progreso