Martes. 18.09.2018 |
El tiempo
Martes. 18.09.2018
El tiempo

Ingresa en prisión sen fianza o acusado de violar a unha menor

Os axentes conducindo ao detido ao interior do xulgado. TOÑO PARGA
Os axentes conducindo ao detido ao interior do xulgado. TOÑO PARGA

Este veciño de Monforte declarou que esa noite bebera, pero que en ningún caso abusou da filla da súa actual parella

O xulgado de Monforte ditou prisión provisional comunicada e sen fianza para o detido o martes na cidade acusado de violar á filla da súa parella, unha menor de 15 anos. Impútaselle un presunto delito continuado de abusos sexuais e foi trasladado ao centro penal de Bonxe.

O home, asentado en Monforte pero de orixe estranxeira, prestou declaración no xulgado durante media hora, despois de que o fixesen a nai e a avoa da nena.

A avoa alertou á Policía Nacional ao ver que o home se encerrou na habitación coa nena e ao saír estaba agresivo

Segundo as declaracións ante a Policía e o xuíz da nai e a avoa, os feitos desencadeáronse no domicilio no que residen todos nunha céntrica rúa da cidade. Foi a avoa a que escoitou berros e deuse conta de que o home se encerrou coa nena na habitación. Cando saíu levaba os pantalóns "medio baixados" e cando a avoa lle increpou púxose violento. A muller chamou a comisaría e cando os axentes da Policía Nacional chegaron atoparon aínda ao presunto agresor no domicilio. Estaba agresivo, púxose violento e non accedía a ser conducido a comisaría, polo que tamén se lle imputou un delito de desobediencia á autoridade.

A partir dese episodio, sempre segundo as fontes consultadas, foi a propia nena de 15 anos de idade e que padece unha discapacidade do 67%, a que confesou que a parella da súa nai abusara dela sexualmente e que non era a primeira vez que ocorría, aínda que a nai e a avoa defenderon que non sospeitaban nada.

A nena foi evacuada ao hospital, onde se lle realizaron as probas pertinentes. Os axentes da Policía tamén tomaron mostras no domicilio.

NON RECORDA NADA. Na súa declaración no xulgado, o acusado, de 40 anos e que traballa nun serradoiro da zona, non recoñeceu os feitos que se lle imputan.

Argumentou que levaba coa súa actual parella, a nai da vítima, un ano. Engadiu que desde hai unhas semanas estaba a tratamento psiquiátrico xa que este mesmo mes a parella perdeu ao seu fillo de tres meses de idade por unha enfermidade cardíaca.

Ademais do tratamento farmacolóxico —dixo— esa noite bebera, algo que tamén apuntou a avoa. En consecuencia, o home asegurou que non recordaba con claridade o que ocorrera na habitación, pero que en ningún caso abusara sexualmente da filla da súa parella.

A pena
Pode afrontar un total de 15 anos de cárcere

 
O acusado por violar á filla da súa parella pode enfrontarse a unha pena de 15 anos de prisión. Nas próximas semanas un laboratorio de Madrid encargarase de analizar as mostras tomadas tanto á vítima como ao agresor. A partir de aí, cruzaranse os resultados e en función diso debería prosperarán ou non os delitos imputados. De confirmarse os abusos sexuais reiterados o home podería enfrontarse a unha pena de 15 anos de prisión.

Ingresa en prisión sen fianza o acusado de violar a unha menor
Comentarios