Un incendio provocou importantes danos no tellado e a cuberta dunha vivenda en Sober. O suceso ocorreu a madrugada do mércores ao xoves no lugar de Veleigaz, parroquia de Figueiroá.
Na casa residen dous irmáns que non sufriron ningún dano persoal a causa do lume. eles mesmos chamaron ao servizo de urxencias do 112 tras espertarse durante a noite a causa do ruído dos estalidos ocasionados polas chamas.
Ata o lugar dos feitos desprazáronse os bombeiros do parque comarcal de Monforte e membros de strong <>Protección Civil de Sober para apagar o lume e auxiliar aos dous veciños, que se atopaban en perfecto estado. Trátase de dous homes que, segundo as fontes consultadas, teñen entre 60 e 70 anos.
Xa pola mañá, os servizos sociais do Concello acudíronse na casa afectada para comprobar se os dous inquilinos do inmoble necesitaban algún tipo de axuda. En ningún momento tiveron que abandonar o seu domicilio, onde continúan a pesar das desfeitas, pois o incendio só afectou o tellado, deixando o resto da vivenda totalmente habitable.
Os DAÑOS. A peor parte do efecto do lume levoulla a cuberta da casa, moi deteriorada a causa da calor e as chamas. O tellado quedou moi danado e algunhas testemuñas precisaron que será preciso sometelo a unha reforma importante para arrombalo.
Este mesmo xoves, os dous residentes tiveron que colocar uns plásticos para protexer o interior da casa da choiva caída nalgúns momentos da xornada.
