miércoles. 27.05.2020 |
El tiempo
miércoles. 27.05.2020
El tiempo

Un incendio calcina dúas estancias dunha vivenda en Monforte

Camión de Bombeiros. AEP
Camión de Bombeiros. AEP
Varios electrodomésticos queimáronse, pero non houbo feridos

Un curtocircuíto puido ser a causa dun incendio que afectou a dúas estancias dunha casa na parroquia de San Salvador de Seoane, no municipio lucense de Monforte de Lemos, sen causar danos persoais.

Segundo a información facilitada ao 112 Galicia polos bombeiros, as chamas consumiron diversos electrodomésticos, pero a estrutura do inmoble non resultou danada.

Nada máis ter constancia dos feitos, a través da chamada dun particular ás 13:30 horas, os xestores do 112 puxeron os feitos en coñecemento dos Bombeiros de Monforte, dos axentes da Policía Local e Nacional e tamén dos membros de Protección Civil da localidade.

Un incendio calcina dúas estancias dunha vivenda en Monforte