A Garda Civil investiga en Taboada a un establecemento de hostalería por incumprimento de horario. Os axentes descubriron a madrugada do pasado sábado a un grupo formado por unhas 30 ou 40 persoas, entre quen había varios menores de idade, consumindo bebidas de diversa índole entre o interior do negocio e a terraza.
Segundo comunicou a Garda Civil, os axentes procederon a identificar á propietaria do local, a quen informaron de que o bar que rexenta ten que estar pechado ás 01.00 horas, como medida para evitar a propagación do Covid.
A benemérita anunciou que porá os feitos en coñecemento das autoridades competentes.
