O Subsector de Tráfico da Garda Civil de Lugo puxo en marcha unha campaña especial de vixilancia para inspeccionar os vehículos e verificar as condicións de transporte das uvas para vinificación, coincidindo, precisamente, co inicio da vendima na Ribeira Sacra.
Segundo informou a Benemérita, esa campaña de control centrarase nos transportes de uva para vinificación na zona sur da provincia de Lugo, tanto os destinados "á elaboración de viño por parte de particulares", como "aquelas destinadas á produción" no territorio amparado pola denominación de orixe.
Recorda, así mesmo, que "o transporte deste tipo cargas vén determinado pola zona de procedencia", de modo que debe "levar unha guía de acompañamento para acreditar" que o froito procede "da mesma denominación de orixe" se chega de fóra da provincia ou ben "un documento de transporte" se a "procedencia e o destino" están "na mesma área protexida".
