Un dos viños recomendados para este Nadal polo Financial Times ten selo lucense. O da adega Karma do Sil, na Ribeira Sacra. A prestixiosa publicación cualifica o seu godello Maga de "exquisito".
"Con esta variedade tan potente que temos desde o principio pensamos que daba o nivel para estar en calquera mercado", explica en declaracións á TVG Antonio Lombardía, o responsable deste caldo, que recorda que é produto da denominada viticultura heroica.
O outro branco galego incluído nas suxestións do diario para as festas é Louro do Bolo, feito en Valdeorras polo rioxano Antonio Palacios.