A Consellería de Infraestruturas anunciou a finalización dos traballos para dotar á parroquia de Tribás (Pantón) de abastecemento de auga. As actuacións contaron cun investimento de 253.000 euros.
O delegado territorial da Xunta en Lugo, Javier Arias, participou no acto de recepción da obra, ao que seguiu a inmediata formalización da entrega ao Concello, que se encargará da súa posta en funcionamento.
O proxecto requiriu da execución dunha nova captación e dun depósito, ademais da instalación material da nova rede de abastecemento ata as vivendas coas características necesarias para dar servizo a todos os veciños.