Un veciño de Monforte (Fidel. E.H.) resultou ferido moi grave pouco antes das oito da tarde deste venres ao ser arroiado por un turismo na Rúa Chantada da cidade, entre a rotonda do Hórreo e a gasolineira das Fontes. O sinistro tivo lugar uns dez minutos antes das oito da tarde cando o home cruzou a calzada nunha zona na que hai un paso de peóns elevado.
A Policía Local investiga se cruzou polo mencionado paso ou o fixo a uns metros de distancia.
Cando o home saíu á calzada un vehículo procedente da rotonda do Hórreo en dirección á saída de Monforte alcanzouno. A vítima recibiu todo o golpe na cabeza e perdeu moito sangue.
De inmediato mobilizouse a unha ambulancia do 061 que trasladou ao ferido ao hospital comarcal de Monforte pero despois foi evacuado ao Hula. Trátase dun veciño do barrio da Pinguela moi coñecido pola súa actividade de vendedor ambulante nas feiras da comarca
A condutora do vehículo, un Suzuki, sufriu unha crise nerviosa. A Policía Local tomou declaración a varias testemuñas e realizou medicións para determinar como ocorreu o atropelo.