Un home de 54 anos, con iniciais M.B.G, resultou ferido na mañá deste xoves nun accidente de circulación que se produciu no municipio de Monforte de Lemos, ao saírse da vía a furgoneta que conducía. O sinistro produciuse ás 9.13 horas, á altura do quilómetro 6 da estrada autonómica LU-617.
Para auxiliar á vítima, o 112 mobilizou o 061, os Bombeiros de Monforte, a Garda Civil, a Policía Local e a agrupación de voluntarios de Protección Civil, así como a persoal de mantemento da vía.
Logo de recibir os primeiros auxilios no mesmo lugar do accidente, o ferido foi evacuado nunha ambulancia de soporte vital básico ao Hospital Público de Monforte de Lemos.
