Un home resultou ferido este luns en Quiroga tras saírse co seu vehículo da estrada e envorcar na N-120. O condutor tivo que ser excarcerado polos bombeiros de Monforte, pois quedou atrapado no interior do turismo. Tras recibir os primeiros auxilios no mesmo lugar do sinistro, foi evacuado de urxencia por unha ambulancia do 061 ao hospital.
O 112 mobilizou tamén ao 061, ao GES Quiroga-O Courel, a Garda Civil de Tráfico, a Policía Local e Protección Civil. O accidente produciuse ao redor das 17.20 horas á altura do quilómetro 489.
