Miguel Ángel Barredo Rueda, moi coñecido en Monforte ao traballar durante anos nunha entidade bancaria e ser concelleiro durante os dous mandatos do Partido Popular no Concello, entre 1995 e 2003, recibirá ás 16.30 horas deste luns enterro no cemiterio municipal da cidade.
Posteriormente, ás 17 horas, celebrarase unha misa de funeral na igrexa Sagrado Corazón do barrio da Estación.
Miguel Ángel Barredo estivo á fronte das áreas municipais de Parques, Limpeza, Medio Ambiente, Facenda e Persoal durante os dous mandatos de Nazario Pin, ao que lle unía unha gran amizade. O seu falecemento foi recibido con gran condolencia polos monfortinos.
