Un operario tivo que ser trasladado en helicóptero a un centro hospitalario ao resultar ferido tras sufrir unha caída cando traballaba no tellado dunha vivenda en Pantón, concretamente no lugar de Lornís. A alerta sobre o accidente recibiuse no 112 Galicia ás 17.30 horas da tarde deste luns, a través da chamada dunha persoa particular que pedía asistencia sanitaria urxente para o home.
Así, o Centro Integrado de Atención ás Emerxencias (CIAE) informou aos profesionais sanitarios, que mobilizaron ao helicóptero medicalizado e aos axentes da Garda Civil. Ademais, o 112 Galicia solicitou a intervención dos bombeiros de Monforte para o rescate do traballador, xa que se caeu nunha zona de difícil acceso.
Finalmente, o ferido foi evacuado na aeronave ao centro hospitalario de referencia.