Eva Amaral será a pregoeira da Feira do Viño de Amandi

O Concello de Sober confirmou que a cantante Eva Amaral, integrante do grupo Amaral, será a pregoeira da XLI Feira do Viño de Amandi, que se vai a celebrar na localidade os días 11 e 12 de agosto.

O alcalde da localidade, Luís Fernández Guitián, agradeceu mediante un comunicado que "a música e a compositora, vinculada familiarmente coa Ribeira Sacra desde hai anos decidise aceptar a invitación para ler o pregón", que será pronunciado o próximo 11 de agosto, ás 12.00 horas na Praza do Concello.

O goberno local recorda que un dos seus últimos videoclips, Halconera, foi gravado integramente nas paisaxes do Canón do Sil, "alcanzando un gran éxito a través de Youtube e nas redes sociais".

"Amaral compartiu ademais en varias ocasións imaxes da Ribeira Sacra, axudando así na súa promoción como destino turístico de natureza", precisou.

"Cremos que Eva é unha persoa vinculada á Ribeira Sacra e moi coñecida e recoñecida, polo que nos seguirá axudando a que a nosa cita co mundo do viño siga facéndose máis e máis grande, a pesar das circunstancias e das limitacións sanitarias ás que temos que darlle cumprimento", resumiu o rexedor.