Estrella Galicia lanzará este martes ao mercado unha cervexa elaboraba con 12 variedades de uva da Ribeira Sacra e que chamou Grape Ale, coa colaboración da adega Ponte da Boga.
Esta adega seleccionou para esta cervexa os tipos uva tradicional galega entre as que cultiva e que, nalgúns casos, proceden dun traballo de investigación e recuperación de variedades autóctonas impulsado por esta adega.
Aproximadamente 400 quilos de uva previamente despalillada e estrujada empregáronse na elaboración de Grape Ale, con seis tipos de uva tinta (Mencía, Merenzao, Brancellao, Sousón, Caiño e Espadeiro) e seis tipos de uva branca (Godello, Albariño, Loureira, Treixadura, Torrontés e Branco Lexítimo).
O resultado final é unha cervexa Ale que potencia eses matices froiteiros e que achega ademais unha agradable efervescencia que deixa un resaibo seco e amargo, informa Hijos de Rivera nun comunicado, que aconsella acompañar esta cervexa con mariscos e peixes.
A idea xurdiu o pasado 28 de decembro de 2017, día dos Santos Inocentes, cando Estrella Galicia realizou unha broma a través das súas redes sociais facendo crer que lanzarían unha nova edición limitada elaborada con uvas para recibir o ano novo.
A resposta favorable por parte dos seus seguidores levou á compañía a exporse este lanzamento que agora se presenta.