Pola contra, as oficinas correspondentes a Servizos Sociais, CIM e GDR si esperan abrir con normalidade, posto que están nas dependencias municipais anexas que non sufriron danos.
Un equipo técnico do Concello fará unha valoración da contía dos danos ocasionados polo incendio, concretamente no teito e as escaleiras de madeira que dan acceso praza de Galicia. Unha vez dispoñan deste informe comezarán os traballos de arranxo e estimarase o tempo necesario para acometelos.
A aparatosidade do fume desatou a alarma dos veciños e provocou a implicación de numerosos medios técnicos e humanos para
Debido á rápida intervención de efectivos, non houbo que lamentar máis danos materiais e ningún humano. A pesar de que as chamas se deron por extinguidas ás 21.30 horas, a brigada comarcal de bombeiros estivo a traballar ata a medianoite do sábado para asegurarse de que non se producía "ningunha reactivación".
A Garda Civil e a Policía Xudicial abriron unha investigación para pescudar as causas do incendio e o lugar exacto da súa orixe.
Jesús Lobelle, responsable de Protección Civil de Chantada, asegurou que o incendio "foi máis espectacular que outra cousa". Este voluntario con 30 anos de experiencia chegou ao lugar xunto a unha vintena de membros da agrupación comarcal para axudar na extinción das chamas.
A estas mesas súmaselle unha situada nas dependencias municipais de servizos sociais, unha oficina situada no edificio anexo.
O colexio electoral chantadino contará con todas as medidas de seguridade para abrir este domingo. Para iso, os técnicos do Concello realizaron unha completa valoración da zona durante o sábado.
Os accesos están debidamente controlados e as mesas, que se situarán na entrada e o palco do auditorio, cumpren coa distancia requirida.