O remolque dun camión que ía cargado con detonadores envorcou este mércores ao mediodía na estrada autonómica LU-561, á altura do municipio lucense de Quiroga, sen que se producisen danos na carga nin houbese que lamentar tampouco danos persoais. Segundo informaron fontes da Benemérita, o suceso produciuse ao soltarse o remolque do camión que tiraba pola carga, de modo que a caixa acabou por envorcar.
Os efectivos da Garda Civil de Tráfico que examinaron o remolque comprobaron que a carga non sufrira danos e que tampouco había risco algún para a contorna". Segundo informou o 112, os axentes confirmaron ao Centro Integrado de Atención ás Emerxencias de Galicia (CIAE) que a carga estaba intacta, polo que rexeitaron a mobilización de máis recursos dos servizos de urxencias, xa que a situación xa estaba "controlada".
Os detonadores foron transvasados en condicións "de seguridade" a outro vehículo.
O suceso produciuse sobre as doce do mediodía e, aínda que non mobilizou máis recursos, o 112 se lle comunicou o incidente aos servizos de urxencias da zona.
