O presidente da Deputación de Lugo, Darío Campos, presentou este martes os "entroidos máis singulares" da provincia cos que colabora esta entidade para a posta en valor do Entroido Ribeirao, en Chantada, e o Oso de Salcedo, na Pobra do Brollón.
A Deputación destina 3.000 euros para o Entroido Ribeirao en Chantada, unha cita que ten lugar os días 17 e 24 de febreiro e o 3 e o 5 de marzo, na parroquia de Santiago de Arriba.
El Oso de Salcedo chegará o luns de entroido, 4 de marzo. Este personaxe vestido con peles e cuberto cunha máscara sairá tras Os Cantos de Cego para perseguir a visitantes e manchalos de cinza, barro e carbón. Esta figura "ancestral" vai acompañada de ao redor dunha ducia de criados.
O presidente provincial destaca que son dous dos entroidos "máis ancestrais de Galicia e dos máis representativos da provincia e da comunidade". O que se pretende é "conservar o patrimonio inmaterial do entroido. "Tamén queremos aproveitar para dar as grazas aos veciños por manter viva unha tradición", valora Campos.
"Ademais tratamos de dinamizar a economía e o turismo da provincia. Son dous entroidos que teñen moita repercusión, tanto a nivel local como galego e incluso nacional. O que queremos é polos en valor", subliñou.
