Axentes da Policía Nacional adscritos á Comisaría Local de Monforte de Lemos (Lugo), encargados da investigación dos delitos relacionados co patrimonio, detiveron a dous homes de nacionalidade romanesa, ambos con antecedentes por feitos similares, por catro roubos en bares deste municipio.
Segundo informou a Policía Nacional, a estes detidos impútaselles o roubo en catro establecementos hostaleiros de Monforte perpetrados desde o pasado mes de xullo e o último o pasado 3 de novembro.
As mesmas fontes policiais indicaron que actuaban en tres provincias galegas cun modus operandi que consistía en "
Unha vez no interior, a Policía resalta que, "sempre acudían ás máquinas comecartos e ás caixas rexistradoras", onde obtiveron un botín duns 6.000 euros.
En dous dos locais asaltados quedaron gravadas imaxes da súa actuación, "pese ao intento de manipular as cámaras para evitar a gravación do feito", puntualizou a Policía Nacional.
En dous dos locais onde foron recoñecidos como os autores supostamente acudiron con anterioridade para observar os puntos por onde acceder ou onde poder realizar o roubo. Así, chegaron a solicitar permiso nun dos establecementos para fumar na parte traseira e ver todo como máis detalle.
As mesmas fontes indicaron que, ao verse "detectados e vixiados nas últimas semanas antes de cometer o roubo do pasado luns", cambiaran o vehículo no cal se movían habitualmente.
Dentro do lugar onde está o motor do turismo que utilizaban para desprazarse, nunha bolsa "perfectamente pechada e protexida", sinalou a Policía, atopáronse diferentes efectos que foron recoñecidos como parte dos botíns denunciados polos propietarios dos bares roubados.
Con todo iso está previsto o seu paso a disposición xudicial nas próximas horas, xunto con todo o actuado.