O Sergas confirmou este mércores que en Chantada se detectou un novo brote familiar que a última hora da xornada xa alcanzaba os catro casos positivos. Fontes de Sanidade mostráronse esperanzados de que a situación se acoutase neste ámbito e non haxa un incremento significativo de contagios, aínda que está a actuarse para dar cos contactos directos dos afectados.
Algúns destes contactos xa foron localizados e postos en corentena ata saber os resultados dos seus PCR.
No mesmo municipio, o instituto Val do Asma informou dun positivo entre os seus alumnos de primeiro do ciclo medio de Electromecánica de Vehículos. Catro estudantes están confinados e fíxose un cribado entre os seus compañeiros e tres profesores.