Derrúbase de madrugada un inmoble emblemático de Monforte

O patrimonio civil de Monforte perde outro inmoble. A pasada madrugada derrubouse gran parte dunha vivenda da Compañía, situada a tan só uns 100 metros do colexio do Cardenal. Trátase do inmoble número 24, composto por baixo máis unha altura. Afundiuse no seu parte central e só quedou en pé a fachada e algo da traseira.

A casa non estaba habitada e os seus donos xa foron alertados da situación. Era unha das vivendas emblemáticas da zona, das poucas que mantiñan as características orixinais. A zona foi acordoada pola Policía Local.