Decenas de veciños da contorna das rúas Escultor Francisco Moure de Monforte, Sarria, A Compañía e Dalmiro da Valgoma, entre outras, están desde esta madrugada sen abastecemento de auga.
Este martes houbo unha falta de subministración en Escultor Francisco Moure que se prolongou unha hora, pero este mércores nesa mesma vía ao lado dos números pares a beirarrúa apareceu bombeada e chea de terra.
Técnicos de Aqualia e dunha empresa de escavacións comezaron a levantar a beirarrúa á primeira hora da mañá á altura do número 36 para localizar o problema. Tamén se traballa nun segundo punto na Compañía.
