Un camión que transportaba madeira saíuse da vía e envorcou na estrada autonómica LU-212, ao seu paso por Taboada, polo que a súa carga de troncos quedou esparexida polo firme e ocupou un dos carrís.
Segundo informaron a Efe fontes do 112, a pesar do aparatoso que foi o accidente non houbo que lamentar feridos neste sinistro, dado que o condutor, que saíu polo seu propio pé do camión, rexeitou recibir asistencia sanitaria.
O Centro Integrado de Atención ás Emerxencias de Galicia (CIAE) mobilizou á Garda Civil de Tráfico, á agrupación de Protección Civil de Taboada e a persoal do mantemento da vía.
No lugar do accidente, preto da sede da cooperativa Aira en Taboada, permanece cortado un dos carriis da circulación, á espera de que sexa retirado o camión e toda a carga que quedou esparexida polo pavimento.
