O Concello de Taboada ofrece a partir deste luns un servizo gratuíto para achegar medicamentos e outras necesidades básicas e imprescindibles ás persoas maiores que vivan soas ou en situación de risco especial. O obxectivo é que poidan estar nas súas casas e non correr o risco de contraer o coronavirus.
O servizo debe solicitarse en contacto co Concello de Taboada ou cos Servizos Sociais Municipais, de luns a venres, de 10.00 a 14.00 horas, a través do número de teléfono 982 46.53.01.
O Concello de Taboada recorda aos seus veciños a importancia de quedar en casa salvo causa de forza maior e que, ante calquera incidencia relativa ao coronavirus, débese chamar aos números de teléfono 900 40.01.16 ou 061.
