O alcalde de Monforte, José Tomé Roca, anunciou unha sentenza favorable ao Concello ditada polo Xulgado do Contencioso-Administrativo número dous de Lugo, en relación á reclamación interposta por unha veciña, M.J.G.V., por mor dunha caída sufrida na Rúa Cardenal. A monfortina reclamaba unha indemnización á administración local de 3.603,41 euros.
En concreto, o contratempo polo que se interpuxo a demanda contra o Concello acaeceu o 2 de setembro de 2020, cando M.J.G.V. camiñaba pola rúa principal da cidade á altura do inmoble co número 32, acompañada por un familiar, e tropezou cunha baldosa, provocándolle unha caída que fixo que fose trasladada de urxencia ao hospital comarcal.
A xustiza determinou que se considerou probada a caída na vía pública da persoa demandante, xa que a Policía Local de Monforte foi avisada do suceso, ademais de existir un parte de urxencias do centro sanitario.
Pero, tal e como indica a sentenza, a vítima non presentou como testemuña do incidente ao familiar que naquel momento camiñaba con ela. Sinalou que a demandante non achegou probas concretas, de efecto causa, ademais de non recorrer a ese parente para que corroborase que, efectivamente, a caída e as lesións producíronse debido ao mal estado da calzada da Rúa Cardenal.
A obra supuxo un investimento de 300.000 euros
O motivo principal que supuxo para o Contencioso-Administrativo a desestimación desta demanda contra o Concello foi a "inexistencia de nexo causal fundamentado en strong <>un risco común da vida cotiá", sendo o feito xulgado "un mero contratempo casual, desafortunado e fortuíto ao que comunmente están expostos os peóns".
Desde o goberno local laméntanse as lesións que esta persoa sufriu por mor de strong<> "este tropezo fortuíto e desafortunado" e espérase que, unha vez renovado todo o pavimento desta rúa, non se produzan máis caídas deste tipo.
A administración monfortina destacou tamén que a xustiza lle deu a razón ao Concello, "polo que non todas as caídas que se produciron nesta rúa eran imputables ao mal estado da vía".
Sexa como fose, o Concello contratou á empresa Ovisa o levantamento de todas as laxas de granito da vía para, nalgúns casos, recolocalas e noutros, pór pezas novas debido á súa deterioración. A obra supuxo un investimento de 300.000 euros.
