O Concello de Sober informou de que o colexio local, o CEIP Plurilingüie Virxe do Carme, creou unha "aula de illamento ou anticovid" no centro grazas á colaboración dunha empresa privada do municipio que "exporta os seus produtos a países de todo o mundo".
Segundo informou o goberno local, "a empresa local Pulviplass Ibérica fíxolle entrega" ao colexio dun "lote de material hixiénico-sanitario" para a creación desa "aula anticovid".
Foi o propio responsable de Pulviplass Ibérica, Víctor Fernández, quen lle fixo entrega dese material á directora do centro, Montserrat Rodríguez, quen a agradeceu a doazón en nome de toda "a comunidade educativa".
Pulviplass Ibérica fixo entrega de dúas caixas de máscaras cirúrxicas, unha infantil e outra para adultos; 10 batas desechables impermeables, dous botes dosificadores con hidrogel, unha caixa de máscaras FFP2, dúas pantallas de protección e dúas pulverizadores manuais para aplicar produtos desinfectantes.
Nos últimos meses, esta empresa, con máis de cen anos de actividade, realizou exportacións de material nos últimos meses a países como Perú, Guatemala, Grecia ou Portugal.