Preto de 20 persoas participan no Centro do Viño de Monforte no curso de enoturismo promovido pola Asociación Provincial de Empresarios de Hostalería e Turismo de Lugo (Apehl) e a Deputación. O Instituto Galego do Viño é o encargado de impartir a materia.
Os participantes recibirán formación sobre diversos aspectos da viticultura, o que lles permitirá capacitarse na elaboración de cartas de viños, maridaxe, servizo e xestión de sala, traballo en adegas ou en xestión do negocio. O curso complétase con catas de viños galegos e nacionais de distintas denominacións de orixe.
A deputada provincial de turismo, Pilar García Porto, inaugurou as sesións acompañada do presidente da Apehl, Cheché Real; a tenente de alcalde de Monforte, Gloria Prada, e o director do Instituto Galego do Viño, Xoán Cannas. O curso continúa o mércores, así como os días 24 e 25 deste mes e o 1 e o 2 de decembro, cando se clausurarán as xornadas.
