jueves. 22.10.2020 |
El tiempo
jueves. 22.10.2020
El tiempo

O centro histórico de Monforte terá unha protección especial desde outubro

Estado no que se atopan varias vivendas da emblemática zona da Compañía. ANA RODIL
Estado no que se atopan varias vivendas da emblemática zona da Compañía. ANA RODIL
A Xunta deulle a súa visto e prace ao plan o pasado mes de xuño tras solicitar unhas rectificacións

O plan especial de protección do conxunto histórico de Monforte verá a luz de forma definitiva a finais de outubro, previsiblemente na sesión que celebrará o pleno da corporación o día 26. O alcalde, o socialista José Tomei, indicou que se ultiman os documentos necesarios para iso, como os informes definitivos e necesarios dos servizos xurídicos e urbanísticos do Concello, co que se completará o visto e prace dado pola Xunta no pasado mes de xuño que comezou a tramitarse no 2016.

O plan especial propón medidas para recuperar e impulsar os valores sociais, culturais, económicos, ambientais, edificatorios e funcionais da zona vella; pero con especial atención á ordenación do espazo, que ocupa algo máis de 69 hectáreas do centro de Monforte,

O ámbito do plan especial correspóndese esencialmente co declarado Ben de Interese Cultural mediante o decreto 187/2005, de 16 de xuño, que modificou un anterior, de 1973, incorporando como zonas de respecto os barrios de Ramberde, Carude e Praza do Piñeiro, así como as beiras do río Cabe.

A área obxecto de protección abarca unha superficie de 52,51 hectáreas que se corresponden propiamente co conxunto declarado como BIC e 17,67, ás zonas de respecto. A delimitación do plan rectifica o perímetro do conxunto, adaptándose ao parcelario existente.

Contar cunha ferramenta destas características foi, sen éxito, obxecto de interese por parte do alcalde popular Nazario Pin Fernández (1995/2003) e do nacionalista Severino Rodríguez Díaz (2003/2015), sen que ningún destes rexedores fosen capaces de sacalo adiante.

PENDENTE. A materia pendente de todos os gobernos de Monforte desde a época de Celestino Torres, e máis concretamente desde 1985, é sacar adiante un Plan Xeral de Ordenación Municipal (PXOM).

O popular Nazario Pin e o nacionalista Severino Rodríguez intentárono. Pagaron proxectos millonarios para uns estudos que acabaron nun caixón.

Un instrumento para intentar evitar a ruína
O alcalde de Monforte está convencido de que o plan especial de protección do conxunto histórico servirá para frear a deterioración de moitos inmobles antigos. E é que cada de vez son máis aqueles que por falta de mantemento presentan un estado lamentable.

Se hai que fixar o ollo nunha zona da cidade, A Compañía, xunto ao colexio do Cardeal, cada día presenta un estado máis penoso, con valados e casas semiderruidas, saneadas, para que non causen danos aos viandantes.

Trámites sinxelos. José Tomei declarou este xoves que o documento que se espera aprobar de forma definitiva a finais de outubro fixa as condicións para a rehabilitación de vivendas. Así mesmo, mostrouse convencido de que servirá para que os propietarios "poñan en valor as súas casas, pois vos trámites a realizar serán sinxelos e accesibles para todos". A modo de resumo, Tomei asegurou que serán "moito máis rápidos".

O centro histórico de Monforte terá unha protección especial desde...
comentarios