As casas de turismo rural da Ribeira Sacra, ao 85% durante San José

O consorcio de turismo da Ribeira Sacra mostrou a súa satisfacción polo grao de ocupación hostaleira na comarca durante a ponte de San José, alcanzándose unha media do 65% cando a previsión era do 56. O ente destacou a querenza dos visitantes polas casas de turismo rural, cheas ao 87%.

Aos hoteis de tres e catro estrelas non lles foi mal, pois se antes da ponte esperaban encher o 50% das súas camas, finalmente lograron ocupar o 69.

O consorcio constatou un elevado número de contratación de vivendas de uso turístico, pois durante este pasado pequeno período vacacional seis de cada dez foron alugadas.

Con estes datos, desde o consorcio mostran confianza de que esta semana Santa sexa boa turísticamente. Saben que a maioría das reservas existentes concéntranse entre a xornada deste mércores e o 4 de abril, pero esperan que cheguen máis visitantes á Ribeira Sacra. De feito pódellos ver enchendo espazos naturais da zona, como este domingo ocorreu no miradoiro do Duques con vistas ao río Sil.