Carmen Martínez Brión é desde este xoves a directora da residencia de maiores de Monforte, un centro dependente da Consellería de Política Social da Xunta. Substitúe no cargo ao xubilado Isaac López Somoza.
A nova directora é licenciada en Dereito e funcionaria de carreira. Prestou servizos en distintas áreas da administración autonómica e conta con experiencia en postos de xestión vinculados á Consellería de Política Social.
Carmen Martínez desenvolverá as súas funcións nunha residencia situada no Paseo do Dique con praza para 42 usuarios. Nela traballan 25 persoas.