A 'Caravana do Caracol' chega a Quiroga con sete refuxiados

Os seis quirogueses que acudiron á fronteira de Polonia con Ucraína paraa recoller refuxiados xa se atopan de volta en Quiroga, onde volveron con sete cidadáns do país invadido por Rusia.

Con moita emoción recibían este mediodía, na #Quirogaá comitiva que saíu fai seis cara á fronteira de Polonia. Con eles volveron sete refuxiados pic.twitter.com/XKnomMLuZP — A3Galicia (\Antena3Galicia) March 11, 2022

 

A expedición foi bautizada no seu día como a Caravana do Caracol, en alusión ao grupo de tres vehículos que empregaron nela, unha autocaravana e dúas furgonetas, que se desprazaban a unha velocidade moderada debido ao seu peso.

CINCO SE QUEDARÁN EN QUIROGA. Aínda que a Quiroga chegaron sete refuxiados, a viaxe de volta emprendérona cun total de nove ucraínos, dos cales tres eran menores de idade.

En declaracións a Efe, Miguel Garrido confirmou que, deses sete refuxiados que chegaron á localidade, dous teñen previsto desprazarse ata a provincia de Ourense, onde teñen familiares ou amigos que lles darán acubillo, mentres que os outros cinco quedarán a vivir non se sabe "durante canto tempo", no municipio lucense.

• Expedición desde Quiroga para axudar a Ucraína

Con eles fixo o camiño de regreso unha adolescente á que recolleron na cidade polaca de Medyka, na fronteira con Ucraína, a petición da súa tía, que vive en Quiroga, onde rexenta un restaurante. "A primeira parada, evidentemente, será na súa casa, para deixar a esta nena e cumprir a nosa promesa", dixo Miguel.

Un dos integrantes desta misión humanitaria, Miguel Garrido, comentaba que a comunicación é con estes refuxiados era moi complicada, pois non falan castelán nin inglés. "Usamos os tradutores de internet no día a día, xa que case ninguén fala inglés", comentaba.