A cadea de televisión privada máis vista de Francia, TF1, enxalzou a Ribeira Sacra coa emisión dunha reportaxe duns catro minutos de duración durante o seu programa informativo.
Este contido non pasou desapercibido para o conselleiro de Cultura, Román Rodríguez, que onte compartiu a reportaxe no seu perfil de Twitter. "No seu imparable camiño cara a declaración coma Patrimonio da Humanidade da Unesco, a canle máis vista en Francia descobre a Ribeira Sacra", escribiu Rodríguez. Tamén reaccionou a esta emisión a xerente do consorcio do teu rismo de Ribeira Sacra, Alexandra Seara. "A valoración é moi positiva, porque o interese polas reportaxes sobre a comarca medra e son escaparates moi importantes", declarou.
Seara recalcou que cada vez son máis as produtoras internacionais, principalmente europeas e latinoamericanas, que se interesan por Ribeira Sacra e elaboran reportaxes ou documentais para enxalzar as súas paisaxes, o seu patrimonio ou a súa tradición vitivinícola.
O titular da reportaxe de TF1 é À la découverte da rive sacrée da Galicia en Espagne e sittúaa "nunha das rexións máis belas de España". En Ribeira Sacra, di textualmente a televisión francesa en cuestión, gárdanse os segredos de mosteiros "case milenarios" e os viñedos "máis impresionantes".
