Un boleto da Bonoloto selado en Monforte de Lemos deixou este venres un premio de 41.942,23 euros. O sorteo deste 15 de outubro quedouse sen acertantes de primeira categoría, mentres que un dos catro de segunda categoría (cinco acertos máis complementario) caeu na localidade monfortina.
Os números premiados foron 3, 12, 14, 19, 47 e 49. O número complementario é o 22 e o reintegro, o 3.
Os outros premios de segunda categoría foron validados en Málaga, en Isla Mayor (Sevilla) e a través da canle oficial de internet de Loterías e Apostas do Estado.