Arrincan as obras da estrada entre O Torno e Gorgonzo, no Saviñao

A Deputación de Lugo anunciou o inicio dos traballos de mellora da estrada provincial LU-P-5811, que pasa O Saviñao e une os núcleos de poboación do Torno e Gorgonzo. A institución provincial destina ao proxecto unha cantidade próxima aos 176.000 euros.

As obras teñen un prazo de execución de nove meses e afectan a un tramo de case catro quilómetros, entre os puntos 0 e 3,814. A intervención inclúe a reapertura de cunetas, a pavimentación e sinalización con marcas reflexivas brancas e a colocación de novos sinais.

Desde a Deputación destacaron a importancia das obras, tanto polo orzamento como porque esta vía é a vertebradora das comunicacións con pártea norte do concello de O Saviñao.