A Garda Civil detivo en diversas localidades de Lugo a tres persoas que estaban a ser buscadas por orde de xulgados desta provincia, de Madrid e de Barcelona, entre eles un home de 80 sobre o que pesaba unha orde de ingreso en prisión.
Segundo informou a propia Benemérita, os seus axentes detiveron a un veciño de Carballedo, un mozo de 21 anos de idade, sobre o que pesaba unha orde de procura ditada polo xulgado de Instrución número 28 de Madrid.
Tamén foi arrestado no municipio de Castroverde un home de 52 anos, ao que lle constaba unha requisitoria xudicial decretada polo xulgado de Instrución número 1 de Barcelona.
Ademais, foi detido un veciño de Pantón, un home de 80 anos, sobre o que pesaba unha orde de procura e detención para o seu traslado e ingreso no centro penal de Bonxe.
