A Garda Civil despregou durante a mañá deste sábado un amplo dispositivo en Monforte para intentar deter a un grupo de persoas relacionadas coa venda de drogas, en concreto cocaína. A operación levou a cabo no barrio de A Florida, cerca do paso a nivel do ferrocarril, onde ao parecer reside unha persoa que, segundo as fontes consultadas, é un importante narcotraficante, que ademais dispón dunha rede de persoas que se encargan de mover a droga a pequena escala.
A operación saldouse cun detido e a incautación de dous quilos de cocaína
O operativo montado pola Garda Civil non pasou desapercibido para os monfortinos desde o momento no que se viu a numerosos axentes fortemente pertrechados con chalecos antibala e metralletas de pequeno calibre, as usadas habitualmente pola Sección de Intervención Rápida (SIR) da Benemérita. A operación teríase saldado con polo menos un detido, aínda que este extremo non se puido confirmar. Trataríase dunha persoa pertencente á rede deste narcotraficante, ao que acusan de ser o máximo distribuidor de cocaína en Monforte, un home duns 50 anos que conta con numerosos antecedentes.
Vello coñecido da Polícia Nacional, que sempre o vixía de cerca, os axentes deste corpo aínda non foron capaces de sorprendelo cunha cantidade de droga o suficiente significativa como para que poida ser condenado a varios anos en prisión. Na redada que realizou onte a Garda Civil, ademais dese posible detido, un mozo que se dedica polo miúdo, os axentes terían incautado case dous quilogramos de cocaína.
