A farmacia de Folgoso do Courel, que levaba case dous anos pechada tras presentar concurso de acredores, reabre este venres.
A botica saíra a poxa no xulgado a principios deste ano por 750.000 euros. Pero a poxa quedou deserta. Agora acábase de facer con ela un farmacéutico ferrolán.
Mentres non funcionou estableceuse un servizo de urxencia para non deixar desabastecido a este municipio da montaña lucense, que ten uns 1.400 habitantes. En Folgoso e en Seoane do Courel abrían unhas horas polas mañás, de luns a sábado, senllos botiquines que eran atendidos polas farmacias de Quiroga e Triacastela, respectivamente. A partir deste venres reabre a farmacia de Folgoso do Courel, que ademais se encargará do botiquín de Seoane.
