Unha muller de nacionalidade polaca e de 34 anos de idade, Agnieszka Ewa Czarnecka-González, permanece desaparecida desde a tarde deste venres en Pontevedra, cando se dispuña a acudir a un exame da Uned.
Segundo explicaron fontes da Policía Nacional a Europa Press, foi o seu marido quen denunciou a desaparición da muller ao fío das 22.30 horas deste venres.
Púxose en marcha un dispositivo de procura, que atopou o vehículo da muller aparcado na zona da Universidade, en Monte Porreiro, sen signos de violencia.
Os bombeiros peitearon a zona de Monte Porreiro e o río Lérez en busca da muller, pero, polo momento, non conseguiron dar con ela.
Así as cousas, a Policía Nacional descoñece se a desaparición da muller, que reside en Pontevedra, é "voluntaria" ou "involuntaria".