Lugo acollerá este sábado o primeiro partido da selección galega absoluta de rugby logo de catro anos de paréntese competitivo. O Estadio Gregorio Pérez Rivera albergará a partir das 17.00 horas un encontro entre Galicia e Euskadi.
O vicepresidente da Deputación de Lugo e responsable do Área de Deportes, Antonio Veiga, aproveitou dito acto para pedir a oficialidade dos encontros das seleccións galegas.
«É unha ocasión magnífica para ver un partido oficial da selección galega de rugby contra un rival de moitísimo nivel, no que seguro que será unha festa do deporte e tamén de irmandade entre dous países que se ven privados da posibilidade de competir de xeito oficial coas súas seleccións nacionais», afirmou Veiga.
