Os produtores da 'Bertolina', un dos maiores éxitos de Youtube producidos en Galicia, despiden este 2014 con outro vídeo, 'En fin de ano non mates'.
Cun animado ritmo rock, o vídeo foi subido á popular plataforma de vídeos o día 30 de decembro, a poucas horas de que acabe un 2014 no que a 'Bertolina' conseguiu case millón e medio de reproducións en Youtube. De feito, o novo vídeo contén unha homenaxe a esa versión, pois soa no móbil do cantante ao comezo de 'En fin de ano non mates'.
Como as anteriores producións (desde a pioneira versión do 'Gangnam Style' á parodia de 'Wrewcking Ball'), o traballo de Páramo Pictures foi rodado no sur de Lugo. Os intérpretes tamén se manteñen: Daniel Moreiras (o cantante), Iván Capón (o do 'Sansón')...