A Xunta, a través da Consellería de Educación, e o Concello de Vilalba asumirán de forma conxunta a reforma integral do pavillón do Ceip Mato Vizoso, unha actuación que superará os 60.000 euros de orzamento.
Tras as reiteradas queixas e logo de celebrar unha reunión co delegado territorial de Educación en Lugo e co alcalde de Vilalba, os pais dos alumnos conseguiron o compromiso de ambas as administracións, que buscarán fondos para acometer unha renovación completa que incluirá a retirada da chapa do tellado para colocar unha nova cuberta, así como melloras no sistema eléctrico e de iluminación das instalacións, ademais da reparación de humidades.
