A iniciativa do grupo Independentes de Viveiro (Ivi) sobre o peirao antigo da cidade logrou no pleno do xoves o apoio de toda a corporación. A corporación estivo de acordo en solicitar á Xunta, Portos e Costas unha reunión coa participación de todos os portavoces e do alcalde para que devanditos organismos expliquen o estado actual dos proxectos a executar no porto e as datas previstas para as obras.
O concelleiro Jesús Fernández defendeu a moción «para solucionar dunha vez esta materia pendente que teñen cos veciños», tras pór sobre a mesa a incapacidade das administracións para entenderse, pois xa pasaron oito anos desde que un taller de arquitectura definiu posibles actuacións para mellorar a fachada marítima da cidade.
A desafectación de Lodeiro vai a bo ritmo
O rexedor vivariense tamén explicou durante a sesión en resposta a unha pregunta do PP que a desafectación da zona de Lodeiro e Lavandeiras vai a bo ritmo. O pleno aprobou solicitala fai xa máis de dez anos. O alcalde asegura que fan todas as xestións necesarias e están en contacto con Costas.
